https://innews.az/uploads/news/2026-05/_innews_4036beea341218888d32f380a_o.jpg
Dünyanın aparıcı qarışıq döyüş sənəti təşkilatı olan UFC, Azərbaycana çox gözlənilən qayıdışını rəsmi olaraq elan edib. UFC FIGHT NIGHT BAKU 27 iyun şənbə günü Milli Gimnastika Arenasında keçiriləcək. Gecənin əsas döyüşündə Azərbaycanlı təmsilçi Rafael Fiziev Manuel Torres ilə beş raundlu yüngül çəki qarşılaşmasında üz-üzə gələcək.
İkinci-əsas döyüşdə isə azarkeşləri ulduz döyüşçü Şarabutdin “Shara Bullet” Maqomedov ilə “dağıdıcı” döyüş tərzi ilə tanınan Michel Pereira arasında yüksək səviyyəli orta çəki qarşılaşması gözləyir.
UFC-nin Azərbaycandakı debüt uğurundan sonra təşkilatın regiona yenidən qayıtması Bakının dünya səviyyəli idman tədbirləri və beynəlxalq yarışlar üçün aparıcı məkan kimi mövqeyini daha da möhkəmləndirir.
Qeyd edək ki, Rafael “Ataman” Fiziev (13-5, Bakı, Azərbaycan) hazırda yüngül çəki divizionunda 11-ci pillədə qərarlaşıb və özünəməxsus dünya səviyyəli zərbə texnikası ilə doğma arenada qələbə qazanaraq çempionluq mübarizəsinə geri dönməyi hədəfləyir. Onun rəqibi isə Meksikanın Tijuana şəhərindən olan, UFC-dəki bütün qələbələrini nokautla qazanan və 100 faiz finiş göstəricisinə sahib Manuel “Loco” Torresdir (17-3).
UFC FIGHT NIGHT BAKU döyüş gecəsi qlobal platformalarda canlı yayımlanacaq və milyonlarla tamaşaçı tərəfindən izlənəcək. Yerli azarkeşlər isə Bakıdakı möhtəşəm döyüş gecəsini canlı izləmək imkanı əldə edəcəklər.
Bilet satışı tezliklə başlayacaq. Bütün yeniliklərdən xəbərdar olmaq və biletlərə erkən çıxış imkanı əldə etmək üçün azarkeşlərə UFC.com/Baku ünvanında qeydiyyatdan keçmələri tövsiyyə edilir.
Həmçinin, UFC FIGHT NIGHT BAKU ilə bağlı ən son yenilikləri @fightnightbaku səhifəsindən izləyə bilərsiniz.
UFC® haqqında
UFC® dünyanın aparıcı qarışıq döyüş sənətləri (MMA) təşkilatıdır və 700 milyondan çox azarkeşə, eləcə də sosial mediada təxminən 353 milyon izləyiciyə malikdir. Təşkilat hər il dünyanın ən nüfuzlu arenalarında 40-dan çox canlı tədbir təşkil edir və öz proqramlarını 210-dan çox ölkə və ərazidə 950 milyondan artıq televiziya və rəqəmsal ev təsərrüfatına çatdırır. UFC-nin idmançı heyəti 75-dən çox ölkəni təmsil edən dünyanın ən güclü MMA döyüşçülərindən ibarətdir. Təşkilatın rəqəmsal platformalarına döyüş idman növləri üzrə aparıcı yayım xidmətlərindən biri olan UFC FIGHT PASS® daxildir. UFC, TKO Group Holdings (NYSE: TKO) şirkətinin tərkib hissəsidir və baş qərargahı Las-Veqas, Nevada ştatında yerləşir. Əlavə məlumat üçün UFC.com saytına daxil ola və UFC-ni Facebook (Facebook.com/UFC), X, Snapchat, Instagram və TikTok platformalarında @UFC hesabı vasitəsilə izləyə bilərsiniz.
BCC haqqında
Bakı Şəhər Halqası Əməliyyat Şirkəti (BCC) Azərbaycanda irimiqyaslı beynəlxalq idman tədbirlərinin aparıcı təşkilatçılarından biridir və Formula 1 Azərbaycan Qran Prisinin rəsmi promoteridir. Formula 1 dünyanın ən nüfuzlu avtomobil idmanı çempionatıdır və hər il ən güclü pilotları və milyonlarla azarkeşi bir araya gətirir. 2025-ci ildən etibarən BCC Azərbaycanda UFC tədbirlərinin rəsmi təşkilatçısı kimi fəaliyyət göstərir. BCC beynəlxalq standartlara uyğun şəkildə fəaliyyət göstərərək iri miqyaslı idman və əyləncə tədbirlərinin planlaşdırılması və icrasını həyata keçirir. Şirkət bütün əməliyyatların yüksək səviyyədə və fasiləsiz şəkildə təşkilini təmin edir. BCC Azərbaycanın beynəlxalq idman tədbirləri üçün aparıcı məkanlardan biri kimi mövqeyinin gücləndirilməsinə töhfə verməyə davam edir.
Ətraflı məlumat üçün azerbaijangp.com saytına daxil ola və BCC-ni Facebook, X, Instagram və TikTok platformalarında @BCC hesabı vasitəsilə izləyə bilərsiniz.
