https://innews.az/uploads/news/2026-05/_innews_4dce31651fbdce77250497c7d_o.jpg
Azərbaycan Dövlət Pedaqoji Universitetində Ümummilli Lider Heydər Əliyevin anadan olmasının 103-cü ildönümünə həsr olunmuş silsilə tədbirlər keçirilib.
Şamaxı filialında Ümummilli Lider Heydər Əliyevin anadan olmasının 103-cü ildönümünə həsr olunmuş “Heydər Əliyev irsi və Azərbaycan memarlığının inkişafı” mövzusunda elmi-praktik konfrans keçirilib. Filialın Tələbə Gənclər Təşkilatının təşkilatçılığı ilə Ulu Öndərin zəngin və mənalı həyat yoluna, dövlətçilik fəaliyyətinə həsr olunmuş film tələbələrə nümayiş etdirilib. Filialın tədris təcrübəsində olan tələbələri tərəfindən Şamaxının müxtəlif təhsil müəssisələrində bədii tədbirlər təşkil edilib. Həmçinin filialın rəhbərliyi, professor-müəllim heyəti Ulu Öndərin Şamaxı şəhərində yerləşən abidəsini, bir qrup tələbəsi isə Fəxri Xiyabandakı məzarını ziyarət edib.
Ağcabədi filialında Ümummilli Lider Heydər Əliyevin anadan olmasının 103-cü ildönümünə həsr olunmuş “Heydər Əliyev və Azərbaycanın təhsil siyasəti” mövzusunda elmi-praktik konfrans keçirilib. Konfransda filial rəhbərliyi, professor-müəllim heyəti, müxtəlif illərin məzunları və tələbələr iştirak ediblər. Konfransı giriş sözü ilə açan filialın direktorudosent Mobil Məcidov Ümummilli Liderin təhsil strategiyasının bu gün uğurla davam etdirildiyini və bu sahədə əldə olunan nailiyyətlərin məhz həmin uzaqgörən siyasətin bəhrəsi olduğunu vurğulayıb. Filialın Tədris və elmi işlər üzrə direktor müavini dosent Seymur Süleymanov “Heydər Əliyevin Azərbaycanın təhsil siyasətinin formalaşmasında rolu”, t.ü.f.d. Əlizadə Nəcəfov “Heydər Əliyev və Azərbaycanda ali məktəbin inkişafı” Pedaqogika üzrə fəlsəfə doktoru, kafedra müdiri Tahir Kərimli “Heydər Əliyev irsində ideya-siyasi tərbiyə və pedaqoji prosesdə ondan istifadə” mövzusunda məruzə ilə çıxış edib. Konfrans işini bölmə iclasları ilə davam etdirib. Ümumilikdə 113 məruzənin dinlənildiyi bölmə iclaslarında Heydər Əliyev ideyalarının müasir təhsil metodologiyasına təsiri geniş təhlil olunub.
Quba filialında "Zirvələrin əzəməti" mövzusunda beynəlxalq elmi-praktik tədbir keçirilib. Tədbir ADPU-nun Quba filialının, Quba Rayon İcra Hakimiyyəti və YAP Quba rayon təşkilatının birgə təşkilatçılığı, həmçinin Quba rayon Heydər Əliyev Mərkəzi və Quba Soyqırımı Memorial Kompleksinin dəstəyi ilə ərsəyə gəlib.
Tədbiri giriş sözü ilə açan filialın direktoru professor Yusif Alıyev Ümumilli Lider Heydər Əliyevin Azərbaycan dövlətçiliyi və müstəqil Azərbaycanın formalaşması yolunda həyata keçirdiyi müstəsna xidmətləri geniş şərh edib. Tədbirdə Quba Rayon İcra Hakimiyyəti başçısının müavini Səidə Abasova, YAP Quba rayon təşkilatının məsul əməkdaşı Təbriz Qurbanov, rəssam Nigar Bağırova, Quba Soyqırımı Memorial Kompleksinin direktoru, tarix üzrə fəlsəfə doktoru Rəxşəndə Bayramova, Prezident mükafatçısı, Əməkdar mədəniyyət işçisi Elza Orucova, AYB-nin Quba bölməsinin sədri, şair Ramiz Qusarçaylı və AMEA-nın Nizami Gəncəvi adına Ədəbiyyat İnstitutunun əməkdaşı, filologiya üzrə fəlsəfə doktoru Aytən Qurbanova çıxış edərək Heydər Əliyevin Azərbaycan mədəniyyəti, tarixi və dövlətçiliyinə verdiyi misilsiz töhfələrdən danışıblar. Fərqanə Dövlət Universitetinin dosenti Muqaddamxon İbrohimovna, professor Sohiba Zokirova, Urgənc Dövlət Pedaqoji Universitetinin dosenti Məhəbbət Rəhimbəyova dahi liderin Türk dünyasının birliyi istiqamətindəki tarixi xidmətlərini xüsusi vurğulayıblar.
ADPU-nun Kimya və biologiya fakültəsinin dekanı dosent Reyhan Ağayeva, dekan müavini dosent Bəsti Əsədova, Biologiya və onun tədrisi texnologiyası kafedrasının müdiri dosent Anaxanım Yusifova və fakültənin tələbəri Azərbaycan Respublikası Elm və Təhsil Nazirliyinin Botanika İnstitutu tərəfindən təşkil olunan “Heydər Əliyev və Azərbaycan Təbiəti” mövzusunda Yaz Məktəbi elmi simpoziumunda iştirak ediblər. Simpoziumda Azərbaycan təbiətinin qorunması, biomüxtəlifliyin mühafizəsi, ekoloji təhlükəsizlik və ətraf mühitin davamlı inkişafı ilə bağlı elmi məruzələr dinlənilmiş, geniş müzakirələr aparılıb.
Ən son xəbərləri səhifəmizdən də izləyin
