ADPU-da “Gələcəyin müəllimi” musiqi müsabiqəsinin bağlanışı keçirilib

Azərbaycan Dövlət Pedaqoji Universiteti (ADPU) və Azərbaycan Dövlət Mədəniyyət və İncəsənət Universitetinin (ADMİU) birgə layihəsi olan “Gələcəyin müəllimi” musiqi müsabiqəsinin bağlanış və mükafatlandırma mərasimi keçirilib.

Mərasimin açılışında ADPU-nun rektoru professor Cəfər Cəfərov və ADMİU-nun rektoru professor Ceyran Mahmudova çıxış edərək müsabiqə iştirakçıları, professor-müəllim heyətini və təşkilatçılara təbriklərini çatdırıb, bu cür müsabiqələrin gənc müəllimlərin peşəkar inkişafında, yaradıcılıq potensialının üzə çıxarılmasında və gələcəyin pedaqoqlarının formalaşmasında mühüm rol oynadığını vurğulayıblar. Daha sonra qaliblərə diplom və mükafatlar təqdim edilib.

Mərasimdə ADPU-nun elm və innovasiyalar üzrə prorektoru professor Asəf Zamanov, sosial və humanitar məsələlər üzrə prorektor professor Fikrət Rzayev, eləcə də ADMİU-nun elm və yaradıcılıq işləri üzrə prorektoru Sədaqət Əliyeva çıxış edərək müsabiqənin əhəmiyyətindən bəhs ediblər.

Mükafatlandırma mərasimindən sonra müsabiqə iştirakçılarının ifasında zəngin və rəngarəng konsert proqramı təqdim edilib.