https://innews.az/uploads/news/2026-07/_innews_08e8d42261d993da5a2399d8d_o.jpg
Türkiyənin məşhur sosial media fenomeni və “Çılğın Dondurmacı” kimi tanınan Mehmet Dinç Fərq TV-yə verdiyi müsahibədə Azərbaycan musiqisinə olan sevgisindən danışıb.
Mehmet Dinç bildirib ki, Azərbaycandan bir sıra tanınmış müğənniləri tanıyır və onların yaradıcılığını izləyir. O, xüsusilə Azərbaycan musiqisinin regionda və dünyada böyük təsir gücünə malik olduğunu vurğulayıb.
Fenomen müsahibə zamanı maraqlı bir fikir də səsləndirib. Onun sözlərinə görə, bu gün müxtəlif ölkələrdə məşhurlaşan bəzi melodiyaların və musiqi üslublarının kökü Azərbaycan musiqisinə dayanır. Mehmet Dinç hesab edir ki, Azərbaycanın zəngin musiqi irsi dünya musiqi mədəniyyətinə mühüm töhfələr verib.
Səmimi açıqlamaları ilə diqqət çəkən Mehmet Dinç Azərbaycana və Azərbaycan xalqına böyük rəğbət bəslədiyini də qeyd edib. O, Bakıda gördüyü maraq və qonaqpərvərlikdən məmnun qaldığını bildirib.
Ən son xəbərləri səhifəmizdən də izləyin
