https://innews.az/uploads/news/2026-08/_innews_9e5b7fbf03a776ae893881fa0_o.jpg
Ağdamın "Qarabağ" futbol klubu heyətini daha bir gənc futbolçu ilə gücləndirib.
"innews media" xəbər verir ki, bu barədə Pakistan mətbuatı məlumat yayıb.
Məlumata görə, Pakistanın 17 yaşadək futbolçulardan ibarət milli komandasının kapitanı Əbdül Səmmad "Qarabağ" akademiyasına transfer olunub.
Hücumameyilli yarımmüdafiəçi bu keçidədək Pakistanın "POPO" klubunun formasını geyinirdi.
Pakistan mətbuatı bu transferi ölkə futbolu üçün əlamətdar hadisə kimi dəyərləndirib. Bildirilir ki, "Qarabağ" Azərbaycanın aparıcı futbol klublarından biridir və mütəmadi olaraq UEFA-nın klub turnirlərində uğurla çıxış edir.
Qeyd edək ki, gənc futbolçunun "Qarabağ" akademiyasında inkişaf edərək gələcəkdə əsas komandaya yüksəlməsi üçün əlverişli imkan əldə etdiyi vurğulanır.
Ən son xəbərləri səhifəmizdən də izləyin
