https://innews.az/uploads/news/2026-08/_innews_23ab82ef22c45e8b0cd288d1c_o.jpg
Məlumatlı maliyyə qərarlarının qəbul edilməsi uğurlu biznes fəaliyyətinin əsas şərtlərindən biridir. Bu məqsədlə Azərbaycan Mərkəzi Bankının Virtual Təhsil Platformasında maliyyə savadlılığının artırılmasına yönəlmiş müxtəlif təlim proqramları təqdim olunur.
"innews media" xəbər verir ki, platformada istifadəçilərə təqdim olunan proqramlardan biri də "Biznesin maliyyələşdirmə alətləri" adlı onlayn kursdur.
Təlim proqramında biznesin maliyyələşdirilməsi üçün mövcud maliyyə alətləri, onların üstünlükləri, tətbiq xüsusiyyətləri və sahibkarlar üçün yaratdığı imkanlar barədə ətraflı məlumat verilir.
Kurs Azərbaycan Mərkəzi Bankının təşəbbüsü ilə Azərbaycan Biznesinin İnkişafı Fondu, İpoteka və Kredit Zəmanət Fondu ekspertləri, həmçinin Azərbaycan Banklar Assosiasiyasının cəlb etdiyi sahə mütəxəssislərinin iştirakı ilə hazırlanıb.
Ödənişsiz təqdim olunan onlayn təlim proqramına qoşulmaq istəyənlər Mərkəzi Bankın Virtual Təhsil Platforması vasitəsilə qeydiyyatdan keçərək kursdan yararlana bilərlər.
Ən son xəbərləri səhifəmizdən də izləyin
