https://innews.az/uploads/news/2026-09/_innews_6dc43dae89533ff9e40e72d05_o.jpg
Sankt-Peterburqda Azərbaycanın qədim və zəngin mədəniyyətini yaşadan “Kəlağayı: Azərbaycanın mədəni irsinin ipək rəmzi” adlı mədəni-maarifləndirici tədbiri keçiriləcəkdir.
Bu barədə tədbirin təşkilatçısı “Xan qızı Natəvan” adına Dünya Azərbaycan Qadınları İctimai Birliyinin rəhbəri Könül Abbasova bildirib. Onun sözlərinə görə, tədbir “Leninqrad vilayəti Azərbaycan Milli-Mədəni Muxtariyyəti” Regional İctimai Təşkilatı (AzNKA LO) və Rusiya Milli Kitabxanasının birgə əməkdaşlıq çərçivəsində və “Yeləni”, “Xan qızı Natəvan” adına “Dünya Azərbaycan İctimai Qadınlar Birliyi”, “Sankt-Peterbur Azərbaycan Dostluq və Əməkdaşlıq İctimai Birliyi”, “Simurq”, “Gənclər birliyi” ictimai təşkilatlarının, həmçinin “Naz” rəqs ansanblının dəstəyi ilə baş tutacaqdır.
Kəlağayı sadəcə bir baş örtüyü deyil, nəsillərdən-nəsillərə ötürülən, naxışlarında dərin fəlsəfə və tarix gizlədən, YUNESKO-nun “Qeyri-maddi mədəni irs” siyahısına daxil edilmiş unikal bir sənət əsəridir.
Sankt-Peterburq şəhəri Rusiya Milli Kitabxanasında sentyabrın 19-da saat 17:00 – 20:00 keçiriləcək tədbirdə milli kəlağayı sənətini yaşadan “Yeləni” brendinin təsisçisi və tədqiqatçısı Nigar Həziyevanın kəlağayı kolleksiyasının nümayişi, kəlağayının yaranma tarixi və Böyük İpək Yolu ilə bağlılığı, üzərindəki bədii simvolların, butaların və mənəvi dəyərlərin izahı, eləcə də, Azərbaycan mədəniyyətinin rəngarəngliyini əks etdirən xüsusi təqdimatların, müzakirələrin keçirilməsi nəzərdə tutulur.
Qeyd edək ki, giriş ödənişsizdir.
“Rusiya xalqlarının birliyi ili” çərçivəsinə töhfə olan bu xüsusi gecədə milli irsimizin bir parçası olmaq və bu gözəlliyi birlikdə paylaşmaq üçün hər birinizi dəvət edirik!
Ən son xəbərləri səhifəmizdən də izləyin
