"Sabah" fantastik qələbə ilə Çempionlar Liqasının Liqa mərhələsində!

Bu gün UEFA Çempionlar Liqasında pley-off mərhələsinin cavab görüşlərinə start verilib.

Çempionlar Liqasında ilk dəfə iştirak edən Azərbaycan çempionu “Sabah” Tofiq Bəhramov adına Respublika stadionunda İsrail çempionu “Hapoel”i (Beer-Şeva) qəbul edib.

Matç "Sabah"ın 5:2 hesablı dramatik və möhtəşəm qələbəsi ilə başa çatıb.

İlk matçda rəqibinə 1:2 hesabı ilə uduzan “Sabah” Tellur Mütəllimovun əsas vaxtın son saniyələrində vurduğu qolla oyunu əlavə vaxta daşımağı bacarıb. Əlavə vaxtda rəqibin qapısından 2 top keçirən Azərbaycan çempionu nəticəni xeyrinə dəyişməyi bacarıb.

Beləliklə, paytaxt təmsilçisi ÇL-in Liqa mərhələsində, “Hapoel” (Beer-Şeva) isə Avropa Liqasının Liqa mərhələsində çıxış edəcək.

UEFA Çempionlar Liqası
Pley-off, cavab oyunu

“Sabah” (Azərbaycan) - “Hapoel” (Beer-Şeva, İsrail) - 5:2

Qollar: Kristian Nvaçukvu 38, Umarali Raxmonəliyev 74, Tellur Mütəllimov 90+4, Mbina 101, Coy Lens Mikels 115 : Zlatinoviç 11, Mizrahi 61

Qırmızı vərəqələr: Diop, 100 ("Hapoel"), Peretz 117 ("Hapoel")

Hakimlər: İştvan Kovaç, Mixay Marika, Ferents Tunyodi, Sabolç Kovaç (Rumıniya)

VAR: Bastian Dankert (Almaniya)

AVAR: Katalin Popa (Rumıniya)

Tofiq Bəhramov adına Respublika stadionu

İlk oyun - 1:2