Qriliş "Mançester Siti"nin gələcək planlarında yoxdur

“Mançester Siti”nin vingeri Cek Qreliş karyerasını başqa klubda davam etdirə bilər.

30 yaşlı futbolçu “şəhərlilər”in gələcək planlarında yer almır və yeni çağırışa açıqdır. Qrelişin ötən mövsüm icarə əsasında çıxış etdiyi “Everton”a qayıtmaq istədiyi qeyd olunur.

Ancaq ingiltərəli futbolçu ilə Premyer Liqanın daha iki klubunun da maraqlandığı bildirilir. Bu səbəbdən Qrelişin transfer pəncərəsinin son günlərində “Mançester Siti”dən ayrılması mümkündür.

Qreliş 2021-ci ildən “Mançester Siti”nin formasını geyinir. O, bu mövsüm komandanın heyətində 2 oyunda meydana çıxıb.

Futbolçunun "şəhərlilər"lə müqaviləsinin müddəti 2027-ci ilin yayına qədər qüvvədədir. Transfermarkt isə Qrelişin hazırkı bazar dəyərini 20 milyon avro qiymətləndirir.