https://innews.az/uploads/news/2026-09/_innews_c1f0a326e122291064a22c452_o.jpg
2026/2027 mövsümündə UEFA Avropa Liqasının Liqa mərhələsində mübarizə aparacaq 36 komandanın hamısı müəyyənləşib.
Komandalar birbaşa vəsiqə qazananlar, Çempionlar Liqasının pley-off mərhələsində mübarizəni dayandıranlar və Avropa Liqasının pley-off mərhələsinin qaliblərindən ibarətdir. Bu mərhələnin püşkatma mərasimi 28 avqustda keçiriləcək və Bakı vaxtı ilə saat 15:00-da başlayacaq. Reqlamentə əsasən, komandalar 4 səbətə bölünəcəklər və hər iştirakçı üçün 8 fərqli rəqib müəyyənləşəcək. Görüşlər 4 ev oyunu, 4 səfər matçı prinsipi ilə keçiriləcək.
Birbaşa vəsiqə qazanan komandalar:
“AZ Alkmaar” (Niderland), “Bayer”, “Hoffenhaym” (hər ikisi Almaniya), “Bornmut”, “Kristal Pelas”, “Sanderlend” (hamısı İngiltərə), “Selta”, “Real Sosyedad” (hər ikisi İspaniya), “Milan”, “Yuventus” (hər ikisi İtaliya), “Marsel”, “Renn” (hər ikisi Fransa), “Torreense” (Portuqaliya), “Olimpiakos” (Yunanıstan), “Yunion Sen-Jilua” (Belçika), “Sparta” Praqa (Çexiya), “Şturm” (Avstriya).
Çempionlar Liqasının pley-off mərhələsində məğlub olan klublar:
“NEK Neymegen” (Niderland), “Lion” (Fransa), “Hapoel” (Beer-Şeva, İsrail), “Çelye” (Sloveniya), “Dinamo” (Zaqreb, Xorvatiya), “Seltik” (Şotlandiya), “Levski” (Bolqarıstan).
Avropa Liqasının pley-off mərhələsinin qalibləri:
“Yagelloniya” (Polşa), “Ararat-Armenia” (Ermənistan), “Lillestrem” (Norveç), “Beşiktaş” (Türkiyə), “Viktoriya” (Çexiya), “Omoniya” (Kipr), “Zalsburq” (Avstriya), OFİ (Yunanıstan), “Benfika” (Portuqaliya), “Lex” (Polşa), “Anderlext” (Belçika), “Ferentsvaroş” (Macarıstan).
Ən son xəbərləri səhifəmizdən də izləyin
