Zamiq və Murad Konfrans Liqasının əsas mərhələsində

UEFA Avropa və Konfrans Liqasında play-off mərhələsinin cavab qarşılaşmaları baş tutub.

Azərbaycan milli komandasının legioner həyatı yaşayan 2 üzvünün komandası Konfrans Liqasında çıxışını davam etdirəcək.

Zamiq Əliyevin formasını geyindiyi “Eqnatiya” Avropa Liqasının pley-offunda öz meydanında “Lillstrom”la qarşılaşıb. Görüş rəqibin 2:1 hesablı üstünlüyü ilə yekunlaşıb. Albaniya təmsilçisi çıxışına Konfrans Liqasında davam edəcək . Z.Əliyev qarşılaşmanın 99-cu dəqiqəsində oyuna daxil olub.

Digər təmsilçimiz Murad Məmmədovun çıxış etdiyi “Pafos” Konfrans Liqasının pley-offunda uğur qazanaraq əsas mərhələyə adlayıb. “Dinamo Siti” üzərində 4:2 hesablı inamlı qələbə qazanan "Pafos" əsas liqa mərhələsinə vəsiqəni təmin edib.
Zədəli olan Muradın adı oyunun iştirak ərizəsinə daxil edilməyib.