Ağırlıqqaldıran Fazilə İmanova üç il müddətinə diskvalifikasiya edilib

Azərbaycanlı ağırlıqqaldıran Fazilə İmanova antidopinq qaydalarını pozduğuna görə üç il müddətinə diskvalifikasiya edilib.

İdmançı barəsində sanksiya 15 may 2026-cı il tarixində başlayıb və 14 may 2029-cu il tarixində başa çatacaq.

Təqdim olunan məlumata əsasən, İmanovanın nümunəsində qadağan edilmiş maddə və ya onun metabolitləri, yaxud markerlərinin mövcudluğu müəyyən edilib. Bu hal antidopinq qaydalarının 2.1-ci maddəsinin pozuntusu kimi qiymətləndirilib.

Bundan əlavə, idmançı tərəfindən qadağan edilmiş maddə və ya qadağan edilmiş üsuldan istifadə və ya istifadə cəhdi də qayda pozuntusu kimi göstərilib. Bu isə 2.2-ci maddəyə uyğun gəlir.

İdmançının nümunəsində aşkarlanan qadağan edilmiş maddə S1.1 – Anabolik Androgenik Steroidlər (AAS) kateqoriyasına daxil olan metribolone olub.

Beləliklə, Fazilə İmanova 15 may 2026-cı ildən 14 may 2029-cu ilədək yarışlarda iştirakdan kənarlaşdırılıb.