Azərkosmosda ISO standartları üzrə kənar audit uğurla tamamlanıb

17–19 avqust 2026-cı il tarixlərində “Bureau Veritas” tərəfindən Azərbaycan Respublikasının Kosmik Agentliyi – Azərkosmosda “ISO 9001:2015” Keyfiyyət İdarəetmə Sistemi və “ISO/IEC 27001:2022” İnformasiya Təhlükəsizliyi İdarəetmə Sistemi üzrə kənar audit keçirilib.

Audit nəticəsində hər iki standart üzrə heç bir uyğunsuzluq qeydə alınmayıb və Azərkosmosun mövcud sertifikatlarının qüvvədə saxlanılması təsdiqlənib.

“ISO 9001:2015” standartı Agentlikdə keyfiyyətin sistemli idarə olunması, proseslərin davamlı təkmilləşdirilməsi və müştəri gözləntilərinin qarşılanmasına yönəlmiş idarəetmə çərçivəsini müəyyən edir.

“ISO/IEC 27001:2022” standartı isə informasiya təhlükəsizliyi risklərinin sistemli idarə olunmasına, məlumatların məxfiliyinin, bütövlüyünün və əlçatanlığının qorunmasına xidmət edir.

Auditin nəticələri Azərkosmosun fəaliyyətində keyfiyyətin idarə olunması, informasiya təhlükəsizliyi və davamlı təkmilləşdirmə prinsiplərinə sistemli yanaşmasını əks etdirir.

Azərkosmos bundan sonra da idarəetmə sistemlərinin təkmilləşdirilməsi, müştərilərə və digər maraqlı tərəflərə etibarlı xidmətlərin təqdim olunması istiqamətində fəaliyyətini davam etdirəcək.