"Fənərbağça" tribunasının lideri güllələndi

Türkiyənin kriminal dünyasının tanınmış simalarından olan və "Çingənə Ümid" ləqəbi ilə tanınan Ümid Yalçın, İspaniyanın Malaqa şəhərindəki lüks "Muelle Uno" ticarət əyləncə mərkəzində yerləşən Lounge Bar Plaza restoranında şam edərkən yaxın məsafədən açılan atəşlə üzündən vurulub. O, bu sui-qəsddən sağ çıxa bilib.

Məlumata görə, 47 yaşlı Yalçın keçmişdə "Fənərbaxça" klubunun "Genç Fenerbahçeliler" (GFB) ultras grupunun qurucularındandır və o zaman tərəfdarlar arasında böyük nüfuz qazanıb, "Ümit reis" kimi tanınıb. O, həmçinin Anadolu Bağcılar Spor Klubunun vitse-prezidenti olub.

Türkiyə mediasında onun adı "Casperlar" və "Çirkinler" adlı kriminal qruplaşmalarla yanaşı çəkilir.

İspaniya hüquq-mühafizə orqanları bu silahlı hücumu Türkiyənin narkomafiya dünyası arasındakı qanlı hesablaşma ehtimalı kimi araşdırır.

Bu hadisənin "Daltonlar" qruplaşmasının da daxil olduğu qanlı müharibənin tərkib hissəsi olduğu bildirilir. Müstəntiqlər bu sui-qəsdin 2025-ci ildə İspaniyada "Daltonlar" qruplaşmasının rəhbər şəxslərindən biri olan Caner Koçerin qətlə yetirilməsi hadisəsi ilə mümkün əlaqələrini araşdırır.

Yalçın dostları ilə birlikdə oturduğu zaman silahlı şəxs ona yaxınlaşaraq birbaşa üzünə atəş açıb. Həkimlər ilk olaraq onun sağ qalmaq şansının az olduğunu düşünsələr də, o, sağ qalıb və hazırda vəziyyəti ağır, lakin stabil olaraq qiymətləndirilir. Atəş açan şəxs isə hadisə yerindən qaçmağı bacarıb və hələ də axtarışdadır.