Gökereşdən rekord

İsveç millisinin və “Arsenal”ın hücumçusu Viktor Gökereş UEFA Millətlər Liqasının tarixində yeni rekorda imza atıb.

28 yaşlı forvard Bosniya və Herseqovina ilə oyunda (1:1) komandasının yeganə qolunu vuraraq turnirdə ardıcıl 6-cı matçda fərqlənib. Bu, Millətlər Liqasında indiyədək heç bir futbolçunun bacarmadığı göstəricidir.

Gökereş qol seriyası 2024/25 mövsümündən başlayıb. Həmin vaxt o, Estoniya (3:0) və Slovakiya (2:1) ilə görüşlərdə fərqlənib, Azərbaycan yığmasına qarşı oyunda isə het-trik edib (6:0).

Cari turnirdə də isveçli hücumçu məhsuldarlığını davam etdirib. O, Rumıniya (2:1), Polşa (3:1) və Bosniya və Herseqovina ilə görüşlərdə də qol vurub.

Klub səviyyəsində isə Gökereşin vəziyyəti fərqlidir. O, 2026/27 mövsümündə “Arsenal”ın əsas heyətindəki yerini itirərək Kay Havertsin kölgəsində qalıb. İsveçli hücumçu London klubunun heyətində meydana çıxdığı 5 matçda hələ ki nə qol vurub, nə də məhsuldar ötürmə ilə yadda qalıb.