Ceko milli karyerasını bitirdi

Bosniya və Herseqovina futbolunun əfsanəsi Edin Ceko milli komandadakı karyerasını bitirib.

40 yaşlı hücumçu vida oyununa UEFA Millətlər Liqasının İsveçlə matçında çıxıb. Zeniça şəhərində keçirilən qarşılaşma 1:1 hesablı bərabərliklə başa çatıb.

Görüşə start heyətində başlayan təcrübəli forvard 63-cü dəqiqədə əvəzlənib.

Qeyd edək ki, Edin Ceko Bosniya və Herseqovina millisinin heyətində 2007-ci ildə debüt edib. O, yığmanın heyətində meydana çıxdığı 152 rəsmi matçda 73 qol və 31 məhsuldar ötürmə ilə yadda qalıb.