https://innews.az/uploads/news/2026-10/_innews_8ecaf0f390eeb4acb6f483acd_o.jpg
25 oktyabr tarixində Baku Auto Mall-da avtomobil həvəskarlarının böyük marağına səbəb olan PAKELO MOTOR SHOW təşkil olunub.
PAKELO Azerbaijan tərəfindən təşkil edilən tədbir Azərbaycanda avtomobil mədəniyyətinin inkişafına dəstək vermək, motorsporta marağı artırmaq və avtomobil həvəskarlarını bir araya gətirmək məqsədi daşıyıb.
Tədbir çərçivəsində ziyarətçilərə möhtəşəm superkarlar, peşəkar drift avtomobilləri, ekstremal offroad nəqliyyat vasitələri, motosikletlər və müxtəlif kateqoriyalardan olan xüsusi avtomobillər nümayiş etdirilib.
PAKELO MOTOR SHOW avtomobil həvəskarları, motorsport pilotları və avtomobil klublarının nümayəndələri üçün bir araya gəlmək, təcrübə mübadiləsi aparmaq və avtomobil dünyasının fərqli istiqamətləri ilə yaxından tanış olmaq imkanı yaradıb.
Tədbir boyunca ziyarətçilər üçün DJ performansları, musiqi proqramı, müxtəlif hədiyyələr və sürprizlər nəzərdə tutulub. Girişin tamamilə ödənişsiz olması avtomobil dünyasına maraq göstərən hər kəsin tədbirdə iştirakına imkan yaradıb.
PAKELO Azerbaijan bu cür tədbirlərin keçirilməsi ilə ölkədə avtomobil mədəniyyətinin daha geniş auditoriyaya çatdırılmasını, gənclərin motorsporta marağının artırılmasını və avtomobil ictimaiyyətinin inkişafını hədəfləyir.
PAKELO haqqında
PAKELO İtaliyada istehsal olunan yüksək keyfiyyətli mühərrik yağları, sürtkü materialları və texniki mayeləri ilə tanınan brenddir. Brendin məhsulları gündəlik istifadə olunan avtomobillərdən tutmuş yüksək performanslı idman və yarış avtomobillərinə qədər geniş tətbiq sahəsinə malikdir.
PAKELO Azerbaijan Azərbaycanda avtomobil sektorunun inkişafına töhfə vermək məqsədilə müxtəlif avtomobil tədbirlərinin və motorsport layihələrinin təşkilinə və dəstəklənməsinə xüsusi önəm verir.
Ən son xəbərləri səhifəmizdən də izləyin
