“Şəhidim Xudayar” mahnı-klipi təqdim olunub

Bakı şəhəri 3 nömrəli Uşaq-Gənclər İnkişaf Mərkəzinin təşkilatçılığı ilə Mərkəzin Nəsimi bazasında şəhid Xudayar Yusifzadənin əziz xatirəsinə həsr olunmuş “Şəhidim Xudayar” adlı mahnı-klipin təqdimatı keçirilib.

Tədbir Ümummilli Lider Heydər Əliyevin və şəhidlərimizin xatirəsinin bir dəqiqəlik sükutla yad edilməsi və Dövlət Himninin səsləndirilməsi ilə başlayıb.

Mərkəzin “Vokal” dərnəyinin üzvlərinin hazırladığı layihənin musiqisi bəstəkar Sevinc Tofiqqızına, sözləri şair Cavid Qurbanova məxsusdur. Layihənin rəhbəri Sevinc Tofiqqızı, rejissoru isə İntiqam Dadaşovdur. Mahnını “Azəri inciləri” vokal qrupunun üzvü Dadaş Mirzəzadə ifa edib.

Tədbirdə “Vokal” və “Teatr sənəti” dərnəklərinin üzvləri vətənpərvərlik, qəhrəmanlıq və milli-mənəvi dəyərlərə həsr olunmuş şeir və mahnılar təqdim ediblər.

Layihənin məqsədi şəhidlərimizin qəhrəmanlığını yaşatmaq, gənc nəslin vətənpərvərlik ruhunda tərbiyəsinə töhfə vermək və Xudayar Yusifzadənin əziz xatirəsini gələcək nəsillərə çatdırmaqdır.