https://innews.az/uploads/news/2026-11/_innews_c0c43455abc7859b3a4b0af85_o.jpg
Türkiyədə 22 illik təcrübəyə malik Batıgöz Sağlamlıq Qrupunun Azərbaycandakı fəaliyyətinin 5 ili tamam olur. 2021-ci ildən ölkəmizdə xidmət göstərən Batıgöz Azərbaycan Klinikası bu müddət ərzində göz sağlamlığı sahəsində müasir diaqnostika və müalicə imkanlarını genişləndirərək minlərlə pasiyentin etimadını qazanıb.
2004-cü ildə Türkiyənin İzmir şəhərində fəaliyyətə başlayan Batıgöz Sağlamlıq Qrupu ötən 22 il ərzində göz xəstəliklərinin diaqnostikası və müalicəsi sahəsində ixtisaslaşaraq beynəlxalq səhiyyə şəbəkəsinə çevrilib. Türkiyənin müxtəlif şəhərlərində, eləcə də xarici ölkələrdə fəaliyyətini genişləndirən qurum müasir tibbi texnologiyaları, peşəkar həkim heyətini və pasiyent məmnuniyyətini əsas götürən xidmət yanaşmasını bir araya gətirib.
Bu təcrübənin Azərbaycandakı davamı olan Batıgöz Azərbaycan Klinikası 1 noyabr 2021-ci ildə Bakı şəhərində fəaliyyətə başlayıb. Klinikanın yaradılmasında əsas məqsəd beynəlxalq oftalmoloji təcrübəni ölkəmizə gətirmək, göz xəstəliklərinin müayinəsi və müalicəsində müasir tibbi yanaşmaları pasiyentlər üçün daha əlçatan etmək olub.
Fəaliyyət göstərdiyi beş il ərzində Batıgöz Azərbaycan göz sağlamlığının müxtəlif istiqamətləri üzrə xidmətlərini inkişaf etdirib. Klinikada refraksiya qüsurlarının lazer üsulu ilə korreksiyası, katarakta cərrahiyyəsi, retina (torlu qişa) xəstəliklərinin diaqnostika və müalicəsi, qlaukoma, buynuz qişa xəstəlikləri, uşaq oftalmologiyası və digər sahələr üzrə tibbi xidmətlər göstərilir.
Beynəlxalq təcrübəyə malik oftalmoloqların, müasir diaqnostika və cərrahi texnologiyaların bir araya gətirilməsi Batıgözün fəaliyyətinin əsas istiqamətlərindən biridir. Klinikada hər bir pasiyentin göz sağlamlığının fərdi qiymətləndirilməsi, düzgün diaqnostika və uyğun müalicə planının hazırlanması xüsusi diqqət mərkəzində saxlanılır.
Beşillik fəaliyyət dövründə Batıgöz Azərbaycan yalnız tibbi xidmətlərini deyil, coğrafi əhatəsini də genişləndirib. 2024-cü ilin dekabrında Sumqayıt filialının fəaliyyətə başlaması ilə klinikanın xidmətləri daha geniş əhali qrupu üçün əlçatan olub. Bununla yanaşı, göz sağlamlığı ilə bağlı maarifləndirici tədbirlər, korporativ əməkdaşlıqlar, seminarlar və profilaktik müayinə təşəbbüsləri klinikanın sosial fəaliyyətinin mühüm hissəsinə çevrilib.
Batıgöz Azərbaycan üçün geridə qalan beş il yalnız inkişaf və fəaliyyət göstəriciləri ilə deyil, eyni zamanda pasiyentlərlə qurulan etimad münasibətləri ilə əlamətdardır. Bu illər ərzində minlərlə insanın göz sağlamlığına qayğı göstərmək, onların müayinə və müalicə prosesində yanında olmaq klinikanın ən böyük məsuliyyəti və dəyəri olub.
“Hər baxışın bir hekayəsi var” yanaşmasını əsas götürən Batıgöz Azərbaycan üçün hər bir pasiyentin sağlamlığı, həyat keyfiyyəti və görmə ilə bağlı gözləntiləri xüsusi əhəmiyyət daşıyır. Beş il ərzində qazanılan təcrübə və pasiyent etimadı klinikanın gələcək inkişafı üçün möhkəm təməl formalaşdırıb.
Yubiley münasibətilə Batıgöz Azərbaycan rəhbərliyi bu inkişaf yolunda əməyi olan həkimlərə, tibb və inzibati heyətə, əməkdaşlıq etdiyi qurumlara və ən əsası, sağlamlığını klinikaya etibar edən pasiyentlərə təşəkkürünü bildirir.
22 illik beynəlxalq təcrübədən güc alan Batıgöz Azərbaycan bundan sonra da müasir oftalmologiyanın imkanlarını ölkəmizdə tətbiq etməyi, tibbi xidmətlərinin keyfiyyətini inkişaf etdirməyi və daha çox insanın göz sağlamlığına töhfə verməyi hədəfləyir.
Batıgöz Azərbaycan Klinikası fəaliyyətinin 5 illiyi münasibətilə bütün kollektivini təbrik edir, qarşıdakı illərdə daha böyük nailiyyətlər, davamlı inkişaf və uğurlar arzulayırıq.
Ən son xəbərləri səhifəmizdən də izləyin
