https://innews.az/uploads/news/2026-11/_innews_36a3c1c152eb268725ff120ca_o.jpg
2026-cı ilin oktyabr ayında Bakı metrosunda 16 milyondan çox sərnişin səfəri qeydə alınıb.
"innews media" xəbər verir ki, ay ərzində girişin ödənişsiz olduğu “Xocəsən” və “Avtovağzal” stansiyalarından ümumilikdə 556 424 sərnişin istifadə edib. Bu, sentyabr ayı ilə müqayisədə 64 faiz artım deməkdir.
Oktyabr ayında ən çox sərnişin qəbul edən stansiya “Koroğlu” olub. Bu stansiyadan 1 683 032 sərnişin istifadə edib.
Ayın ən çox sərnişin daşınan günü isə oktyabrın 20-si olub. Həmin gün metro xidmətlərindən 641 442 nəfər yararlanıb.
Rəqəmsal ödənişlərdə də artım müşahidə edilib. NFC və QR bilet vasitəsilə ümumilikdə 8 879 685 ödəniş həyata keçirilib. Bu göstərici sentyabr ayı ilə müqayisədə 15,9 faiz çoxdur.
Oktyabr ayında gediş haqqının NFC texnologiyası ilə ödənilməsi bütün ödənişli sərnişinlərin 43,3 faizini təşkil edib.
Bundan əlavə, ay ərzində “Əlçatan metro” xidmətindən 113 sərnişin yararlanıb.
Ən son xəbərləri səhifəmizdən də izləyin
