https://innews.az/uploads/news/2026-11/_innews_5fabaf1ed7d85ff4460f3e535_o.jpg
Azərbaycanın bərpaolunan enerji potensialının Avropa bazarına çıxarılması Böyük Britaniya ilə əməkdaşlığın əsas istiqamətlərindən birinə çevrilir.
Böyük Britaniyanın Azərbaycandakı səfiri Dunkan Norman bildirib ki, enerji münasibətləri iki ölkə arasında əməkdaşlığın əsas sütunlarından biri olaraq qalır. Onun sözlərinə görə, bu sahədə əlaqələr artıq üç onillikdir ki, ikitərəfli tərəfdaşlığın təməlini təşkil edir.
Səfir “Xlinks” və “Green Energy Corridor Company” arasında Azərbaycanın təmiz enerjisinin Avropa bazarına ötürülməsini nəzərdə tutan Anlaşma Memorandumunu müsbət qiymətləndirib.
Norman bildirib ki, Böyük Britaniya bu istiqamətdə görülən işləri dəstəkləyəcək. Bu əməkdaşlıq Azərbaycanın enerji ixracı imkanlarının şaxələndirilməsi və Avropa ilə enerji əlaqələrinin genişləndirilməsi baxımından əhəmiyyətlidir:
“Enerji münasibətlərimizin əsas sütunu olaraq qalır və biz üç onillik əməkdaşlığımızın təməli üzərində irəliləyirik. ‘Xlinks’ və ‘Green Energy Corridor Company’ arasında Azərbaycanın təmiz enerjisinin Avropa bazarına ötürülməsini nəzərdə tutan Anlaşma Memorandumunu alqışlayırıq. Bu təşəbbüsün həyata keçirilməsi istiqamətində görülən işləri dəstəkləyəcəyik. Hesab edirik ki, enerji sahəsində əməkdaşlığın inkişafı ölkələrimiz arasında strateji münasibətlərin daha da möhkəmlənməsinə xidmət edəcək”.
Ən son xəbərləri səhifəmizdən də izləyin