https://innews.az/uploads/news/2026-11/_innews_df3ab6355acff84c8498ba133_o.jpg
İnformasiya Kommunikasiya Texnologiyaları Agentliyi (İKTA) İKT avadanlıqlarının, proqram təminatı lisenziyalarının və digər texnoloji xidmətlərin satın alınması üçün açıq tender elan edib.
PostNews xəbər verir ki, satınalma çərçivəsində planşetlər üçün qoruyucu çantaların, foto və video çəkiliş avadanlıqlarının, simsiz mikrofon dəstlərinin, smartfon stabilizatorlarının və xarici SSD yaddaş qurğularının alınması nəzərdə tutulur. Satınalmaya həmçinin Təhlükəsizlik divarı (Firewall) avadanlığının və 3CX IP telefoniya sisteminin funksional abunəlik müddətinin uzadılması daxildir.
Tenderin ehtimal olunan qiyməti 299 312,72 manat təşkil edir.
Müsabiqə 18 noyabr 2026-cı il tarixində elan olunub. Təkliflərin təqdim edilməsi və zərflərin açılması 10 dekabr 2026-cı il saat 09:00-a müəyyən edilib.
Tenderdə iştirak haqqı 350 manat, sənədlərdən istifadə haqqı isə 25 manatdır.
Satınalan təşkilatın məlumatına görə, təkliflər elektron qaydada Dövlət Satınalmalarının Vahid İnternet Portalı vasitəsilə qəbul edilir. Tender üzrə əlaqələndirici şəxs İKTA-nın aparıcı mütəxəssisi Asim Məmmədovdur.
Ən son xəbərləri səhifəmizdən də izləyin