https://innews.az/uploads/news/2022-12/_innews_62bc37cd710f49edb38c35813_o.jpg
PAŞA Bankın idarə heyəti sədrinin müavini Bəhruz Nağıyevin rəhbərlik etdiyi nümayəndə heyəti Bakı Limanına səfər edib.
Limanın Əməliyyatlar departamentinin müdiri Eugen Seah Bakı Limanında nəqliyyat və logistika şirkətləri, o cümlədən liman xidmətlərinin istifadəçiləri üçün mövcud olan imkanlar barədə məlumat verib və gələcək perspektivlər barədə danışıb.
Görüş zamanı liman əməliyyatları, yaşıl liman strategiyası, əlavə dəyər qatan xidmət sahələrinin inkişafı və yeni əməkdaşlıq imkanları kimi bir sıra istiqamətlər əsas müzakirə predmeti olub. Eyni zamanda, PAŞA Bank və Bakı Limanı arasında müxtəlif korporativ sosial məsuliyyət layihələrinin həyata keçirilməsi, Ələt qəsəbəsində yaşayan gənclərin bank və maliyyə sahəsində təcrübə qazanması üçün imkanların yaradılması da müzakirə predmeti olub.
