AMEA-nın müxbir üzvü Vaqif Quliyevin məqaləsi beynəlxalq jurnalda dərc edilib

AMEA-nın müxbir üzvü Vaqif Quliyevin məqaləsi yüksək impakt faktorlu Q2 kateqoriyalı beynəlxalq jurnalda dərc edilib

Bakı Dövlət Universitetinin Tətbiqi Riyaziyyat Elmi-Tədqiqat İnstitutunun elmi işlər üzrə direktor müavini, AMEA-nın müxbir üzvü, professor Vaqif Quliyevin müəllifi olduğu məqalə “Journal of Mathematical Inequalities”də çap olunub.

İmpakt faktoru 1.145-ə bərabər olan “Journal of Mathematical Inequalities” jurnal “Clarivate Analytics”in Q2 kateqriyasındadır.

“Total Morri fəzalarında maksimal kommutator və maksimal funksiyanın kommutatoru” adlı məqalədə Morrey fəzalarının total Morrey fəzaları adlanan yeni variantı təqdim edilib. Bu fəzalar klassik Morrey fəzalarını və modifə olunmuş Morrey fəzalarını ümumiləşdirir. Məqalədə total Morrey fəzalarının əsas xassələri verilib və Morrey fəzalarında bəzi daxilolmalar öyrənilib. Həmçinin total Morrey fəzalarında maksimal kommutator operatorunun və maksimal operatorun kommutatorunun məhdudluğu üçün zəruri və kafi şərtlər alınıb.

http://files.ele-math.com/articles/jmi-16-98.pdf