20 Yanvar faciəsinin 33-cü ildönümü ilə bağlı Nişantaşı Universitetində konfrans keçiriləcək

Milli Məclisin deputatları Musa Qasımlı və Aqil Məmmədov yanvarın 19-da Türkiyənin İstanbul şəhərinə səfər edəcəklər.

Səfərdə deputatlar Azərbaycanın İstanbul Baş konsulluğunun təşkilatçılığı ilə İstanbul şəhərində keçiriləcək konfransın işinə qatılacaqlar. 20 Yanvar faciəsinin 33-cü ildönümünə həsr olunan konfrans Nişantaşı Universitetində keçiriləcək. Tədbirdə millət vəkili Musa Qasımlının məruzə ilə çıxış etməsi nəzərdə tutulub.

Səfər yanvarın 20-də başa çatacaq.