https://innews.az/uploads/news/2023-07/_innews_b841c989b2ef77fe81c89d607_o.jpg
Qazaxıstan Respublikasının Azərbaycandakı Səfiri Alim Bayel Qafqaz Müsəlmanları İdarəsinin Sədri Şeyxülislam Allahşükür Paşazadə ilə görüş keçirib.
Görüş əsnasında dinlərarası əməkdaşlığın və dünya dinləri və mədəniyyətləri arasında dialoqun bundan sonra da təşviq edilməsi ilə bağlı aktual məsələlər üzrə fikir mübadiləsi aparılıb. Tərəflər, xüsusi ilə, BMT-nin Baş Assambleyası tərəfindən dini müqəddəs dəyərlərə qarşı bütün təhqirləri pisləyən qətnamənin qəbulunu vurğulayıblar.
A.Paşazadə Qazaxıstanın konfessiyalararası dialoqun inkişafına və möhkəmləndirilməsinə verdiyi töhfələrin yüksək qiymətləndirdiyini qeyd edib, və Dünya və Ənənəvi Dini Liderlərin Qurultayı və onun Katibliyi çərçivəsində keçirilən dünyanın dini və ictimai xadimlərinin görüşlərinin önəmini və effektivliyini vurğulayıb. O, həmçinin cari ilin payızında baş tutacaq Qurultay Katibliyinin iclasında iştirakını təsdiqləyib.
Öz növbəsində, A.Bayel Astanada keçirilən Dünya və Ənənəvi Dini Liderlərinin Qurultayında mütəmadi şəkildə iştirak etdiyinə və bu institutun bundan sonrakı inkişafı ilə bağlı təkliflərinə görə həmsöhbətə öz təşəkkürünü bildirib. Səfir, eyni zamanda Şeyxə bu yaxınlarda baş tutan “Mərkəzi Asiya + Körfəz Ərəb Dövlətlərinin Əməkdaşlıq Şurası”-nın birinci Zirvə Görüşü haqqında məlumat verib və İslam dünyasında birləşmə və inkişaf proseslərinin güclənəcəyinə ümidvar olduğunu bildirib.
