https://innews.az/uploads/news/2023-08/_innews_65da105beeae6868bf7f95346_o.jpg
Qazaxıstan Respublikasının Sənaye və İnfrastruktur İnkişaf Naziri Marat Karabayev Qazaxıstanın nəqliyyat-logistika təşkilatlarının 40-dan çox nümayəndəsindən ibarət nümayəndə heyətinin müşayiəti ilə Azərbaycan tərəfdaşları ilə ikitərəfli görüşlərin keçirilməsi üçün Bakıya işgüzar səfər edib.
Nümayəndə heyətinin tərkibinə ““Aktau Dəniz Ticarət Limanı” MŞ” SC, “Aktau Dəniz Şimal Limanı” MMC, ““Qazaxıstan Temir Jolı” MŞ” SC, “Kurık Limanı” MMC, “TBNM” Beynəlxalq Assosiasiyası, “SEMURG INVEST” MMC, “PTC Holding” MMC, “Kazsink” MMC və digər təşkilatların nümayəndələri daxil olub.
Səfər çərçivəsində Nazir Marat Karabayev və Qazaxıstanın Azərbaycandakı Səfiri Alim Bayel Azərbaycan Respublikasının Rəqəmsal İnkişaf və Nəqliyyat Naziri Rəşad Nəbiyevlə görüş keçiriblər. Orta Dəhliz çərçivəsində yükdaşımalar və logistikanın qurulması ilə bağlı aktual məsələlər ətrafında fikir mübadiləsi baş tutub. Tərəflər Transxəzər Beynəlxalq Nəqliyyat Marşrutunun potensialını yüksək qiymətləndiriblər və sözügedən istiqamətdə tərəfdaşlığın dərinləşdirilməsində qarşılıqlı maraqlarını təsdiqləyiblər. TBNM-də dar yerlərin aradan qaldırılması üzrə işlər davam etdiriləcək.
Qazaxıstan tərəfi Ələtdəki Bakı Beynəlxalq Ticarət Limanı, Hövsan limanı, Baş-Ələt dəmiryol stansiyası, Bakı Gəmiqayırma zavodu, Abşeron logistika mərkəzi, Bakı sərnişin vağzalı kimi obyektləri ziyarət edib və onların işi ilə tanış olub.
