Dünyanın müxtəlif ölkələrində yaşayan azərbaycanlı uşaqlar "Azərbaycan" şeirini səsləndiriblər - VİDEO

Dünyanın müxtəlif ölkələrində yaşayan azərbaycanlı uşaqların Həmrəylik Günü münasibətilə təbrik videoçarxı hazırlanıb.

Videoçarxda Mədinə Qarayeva, Süleyman və Fatimə Vəliyevlər, İsmayıl Məmmədov, Aydən və Əminə Qarayevlər, Cavid Əhmədov (Səudiyyə Ərəbistanı), Turan və Vaqif Nəcəfli, Eldar İbrahimov, Davud və Raul Məmmədli (Kanada), Nur Lətifli (Şəki), Yusif Baxşəlizadə (İsveç), David Saleh (İngiltərə), Dəniz Dəmədzadə (Polşa), Həsən Bənna (Tailand), Fuad və Siddiqə Cəfərovlar (Tanzaniya), İlyas və Həmidə Məlikovlar, Yasmin Sadıxova (Norveç), Mətin, Cavad və Davud Əhmədovlar (Oman), Nur və Yusif Qəmbərovlar (Almaniya), Cahan Rzayeva (BƏƏ), Aqşin və Aylin Əzizovlar (Bakı), Nur, Rəyyan və Nuridə Əzəmətli (ABŞ), İnci Muradlı (Peru) yaşadıqları ölkələrdən görkəmli Azərbaycan şairi Səməd Vurğunun məşhur “Azərbaycan” şeirini səsləndirməklə soydaşlarımıza təbriklərini çatdırıblar.

Sonda videoçarxın müəllifi Mədinə Qarayeva Bakıdakı Şəhidlər Xiyabanından dünya azərbaycanlılarına müraciət edib. Yeniyetmə soydaşımız Həmrəylik Günü münasibətilə dünya azərbaycanlılarını təbrik edib, Azərbaycan üçün duasını səsləndirib və şəhidlərimizə rəhmət diləyib.