https://innews.az/uploads/news/2024-01/_innews_b8099a6d8853c7866c272f381_o.jpg
“Batareyaları təhvil ver, təbiəti qoru” layihəsi çərçivəsində “Azercell”in baş ofisindən, “Bravo” supermarketlər şəbəkəsinin Əhmədli hipermarketindən ümumilikdə 48 kiloqram işlənmiş batareya toplanaraq “Təhlükəli Tullantılar” Məhdud Məsuliyyətli Cəmiyyətinə təhvil verilib.
Bu barədə innaws.media Ekologiya və Təbii Sərvətlər Nazirliyinin mətbuat xidmətindən məlumat verilib.
Qeyd edək ki, ”Batareyaları təhvil ver, təbiəti qoru” layihəsinə Ekologiya və Təbii Sərvətlər Nazirliyi və “Qırmızı ürəklər” Fondu tərəfindən 2022-ci il mayın 1-də start verilib.
Hazırda müxtəlif dövlət qurumlarında, şirkətlərdə, marketlər şəbəkələrində, təhsil müəssisələrində, banklarda və otellərdə təhvil qutuları yerləşdirilərək layihəyə dəstək verilir.
