"Hansı qıza baxırsan adlar başqa, sifət eyni. Plastik əməliyyat etdirmək xəstəlikdir" - VİDEO

AZXEBER.COM-un "Gəl danış" rubrikasının budəfəki müsahibi hər kəsin "Yeni Ulduz” yarışmasından tanıdığı, məşhur müğənni Vüqar Muradov olub.

Müğənni, plastik əməliyyat edən qadınlara münasibət bildirib:

"Bir qadının ola bilər ki, çox kiçik dodaqları olsun. Heç kim komplekslə yaşamaq məcburiyyətində deyil. Türk aktrisalarına baxın. Onlardan hansı olduğundan çox böyük dodaq etdirir? Etdirdikləri də üzlərinə yaraşır. Kompleksli olmaq insanın bütün özgüvənini aşağı salır. Həyat enerjin aşağı düşür. Özünü sevməməyə başlayırsan. Həkimləri eyni olur, baxırsan ki, sifətlər eyni, burun eyni, qaş eyni. Bu gün cavan qızlarımız "tırkaya gedir”. Açırsan sosial medianı, baxırsan ki, sifət eyni sifətdir, ad eyni ad deyil. Özü də əməliyyata dadandılarsa, davamlı gedir. Yuxarıdan aşağı doğru gedirlər. Bu artıq psixoloji xəstəlikdir. Niyə Avropada hər ailənin bir psixoloqu var? Bizdə psixoloq deyəndə deyirlər ki, "dəlisən?”. Mən axı psixiatr demədim. Bizdə psixoloq anlayışı yoxdur deyə, cinayətlər çoxdur. Qeyri-insani hərəkətlər, təcavüzlər və s. doludur. Çünki psixoloq yanına getmir".