Bakıda avtomobil və motosiklet festivalı keçiriləcək

Noyabrın 29-da Bakıda avtomobil və motosiklet həvəskarlarını bir araya gətirəcək festival təşkil olunacaq.

Viva Group və BMW Club Baku (BCB) təşkilatçılığı ilə keçiriləcək tədbir saat 16:00-da Koroğlu ərazisində baş tutacaq.

Festival çərçivəsində müxtəlif avtomobil və motosiklet modellərinin nümayişi, xüsusi hazırlanmış Show Car və Moto təqdimatları, DJ çıxışları, rəqs şouları, interaktiv oyunlar və yarışlar təşkil ediləcək. Həmçinin tədbir iştirakçıları brend stendləri, əyləncə proqramları, hədiyyələr və müxtəlif sürprizlərlə tanış ola biləcəklər.

Festivalda iştirak etmək istəyənlər biletləri iTicket.az platformasından və ya şəhərin kassalarından əldə edə bilərlər.

Öz avtomobil və ya motosikletini festival çərçivəsində nümayiş etdirmək istəyənlər isə qeydiyyat üçün bcb.az saytına və ya BMW Club Baku-nun sosial media hesablarına müraciət edə bilərlər.

Tədbir haqqında:

Tarix: 29 noyabr 2026

Saat: 16:00

Məkan: Koroğlu, Bakı

Təşkilatçılar: Viva Group və BMW Club Baku