Şuşa - Qarabağın döyünən ürəyi

Şuşa Azərbaycan xalqının qəlbində yaşayan, hər daşı, hər küçəsi tarixdən xəbər verən müqəddəs şəhərimizdir. Bu şəhər Azərbaycanın milli musiqisinin, muğam sənətinin və poeziyasının inkişafında mühüm rol oynamışdır. Şuşa deyəndə Üzeyir Hacıbəyli, Bülbül, Xan Şuşinski, Natəvan və bir çox görkəmli şəxsiyyətlər yada düşür.Uzun illər işğal altında qalan Şuşa 8 noyabr 2020-ci ildə qəhrəman Azərbaycan əsgərinin şücaəti nəticəsində azadlığına qovuşdu. Bu qələbə xalqımıza böyük sevinc bəxş etdi və milli qürurumuzu daha da yüksəltdi.

Şuşanın azad olunması ilə Azərbaycan öz tarixi və mədəni irsinə sahib çıxdı. Bu gün şəhərdə keçirilən beynəlxalq tədbirlər, musiqi festivalları və mədəniyyət layihələri Şuşanın yenidən dünyanın diqqət mərkəzinə çevrildiyini göstərir.Şuşa bizim keçmişimiz, bu günümüz və gələcəyimizdir. Onun hər bir abidəsi tariximizin canlı şahidi, hər bir küçəsi milli yaddaşımızın bir parçasıdır. Şuşa daim Azərbaycanın mədəniyyət paytaxtı və qürur mənbəyi olaraq yaşayacaqdır.

Masallı şəhər sakini Aksana Məmmədova