Yağışa baxmayaraq səhnəyə çıxdı - Mərdan Kazımova qazilər də qoşuldu

Müğənni Mərdan Kazımov Zəfər Günü münasibətilə təşkil olunan tədbirlərdə çıxış edib.

"innews media" xəbər verir ki, sənətçi ilk olaraq dənizkənarı bulvarda təşkil olunan konsert proqramında səhnəyə çıxıb. Yağışlı havaya baxmayaraq, onu dinləməyə gələn pərəstişkarlarının qarşısında “Yaşa, mənim xalqım” mahnısını səsləndirib.

Daha sonra Mərdan Kazımov paytaxtdakı ticarət mərkəzlərindən birində səhnə alıb. Burada da coşğulu anlar yaşanıb. Sənətçi ard-arda sevilən mahnılarını səsləndirib. Onun ifası zamanı qazilər səhnəyə çıxaraq ona qoşulublar.

Konsertdən sonra Mərdan Kazımov qazilər və pərəstişkarları ilə xatirə fotoları çəkdirib.