https://innews.az/uploads/news/2026-11/_innews_924b82afea5d052344b3f5ef4_o.jpg
8 Noyabr – Zəfər Günü münasibətilə keçirilən tədbirlər çərçivəsində Lənkəran Dövlət Dram Teatrının kollektivi 6 Noyabrda Biləsuvar rayon Gənclər Evində yazıçı-dramaturq Hüseynbala Mirələmovun “Nəfəsim Vətən” tamaşası ilə çıxış edib.
Böyük Zəfərimizin memarı, Azərbaycan Respublikasının Prezidenti, Müzəffər Ali Baş Komandan İlham Əliyevə ithaf olunan səhnə əsərinin quruluşçu rejissoru Azərbaycan Respublikasının Əməkdar mədəniyyət işçisi, Dağıstan Respublikasının (R.F) Əməkdar artisti Laləzar Hüseynova, quruluşçu rəssamı isə Fuad Hüseynovdur.
Tamaşada Birinci Qarabağ müharibəsi dövründə doğma yurdlarından didərgin düşmüş həmvətənlərimizin çəkdiyi nisgil, 44 günlük Vətən müharibəsində qazanılan tarixi Qələbə və soydaşlarımızın ata-baba torpaqlarına qayıdış sevinci yüksək bədii lövhələrlə nümayiş etdirilib.
Nümayişdə Biləsuvar Rayon İcra Hakimiyyətinin başçısı Faiq Qürbətov, YAP Biləsuvar rayon təşkilatının sədri Kamil Qurbanlı, hüquq-mühafizə organlarının və idarə-müəssisələrin rəhbərləri, şəhid ailələri, qazilər və rayon ictimaiyyətinin nümayəndələri iştirak ediblər.
Səhnə əsəri tamaşaçılar tərəfindən böyük maraq və coşğu ilə qarşılanıb. Nümayişdən sonra teatrın truppası ilə görüşən Biləsuvar Rayon İcra Hakimiyyətinin başçısı Faiq Qürbətov Vətən müharibəsinin şanlı Zəfərinə həsr olunmuş təsirli tamaşanın ərsəyə gətirilməsinə görə teatrın rəhbərliyinə və yaradıcı heyətinə dərin minnətdarlığını bildirərək, kollektivə gələcək fəaliyyətində uğurlar arzulayıb.
Ən son xəbərləri səhifəmizdən də izləyin
