Mərdan Kazımov Qubada coşğuyla qarşılandı

Müğənni Mərdan Kazımov Zəfər bayramı münasibətilə Qubada təşkil olunan xalq konsertində çıxış edib.

"innews media" xəbər verir ki, sənətçi konsert proqramı çərçivəsində sevənlərinin qarşısına çıxaraq repertuarının sevilən mahnılarını bir-birinin ardınca səsləndirib. Onun ifaları tədbir iştirakçıları tərəfindən maraqla qarşılanıb.

Coşğulu atmosferdə keçən konsertdə tamaşaçılar sənətçinin ifalarına qoşularaq Zəfər sevincini birlikdə yaşayıblar.

Mərdan Kazımov çıxışı zamanı Qubada yenidən səhnəyə çıxmasından məmnunluğunu ifadə edib. O bildirib ki, artıq ikinci ildir Zəfər bayramını qubalılarla birlikdə qeyd edir.

Sənətçi çıxışında Zəfərin xalqımız üçün daşıdığı mənaya da toxunub:

“Zəfər bizim qürurumuz, birliyimiz və gələcək nəsillərə ötürəcəyimiz ən böyük mirasımızdır. Bu günləri bizə yaşadan qəhrəmanlarımızın qarşısında baş əyirəm. Allah şəhidlərimizə rəhmət eləsin, qazilərimizə can sağlığı versin. Zəfər bayramımız mübarək olsun”.