Masallı RİH başçısı Araz Əhmədov Xırmandalıda şəhid məzarlarını ziyarət etdi

Masallı RİH başçısı Araz Əhmədov Xırmandalıda şəhid məzarlarını ziyarət etdi Masallı RİH başçısı Araz Əhmədov Xırmandalıda şəhid məzarlarını ziyarət etdi https://innews.az/az/news/id-47327

Masallı rayon İcra Hakimiyyətinin başçısının tapşırığına uyğun olaraq rayon ərazisində şəhid ailələri, müharibə əlilləri və iştirakçıları daim diqqətdə saxlanılır, onların qayğıları ilə mütəmadi maraqlanılmaqla yaranmış çətinliklərin aradan qaldırılması istiqamətində mühim adımlar atılır.

Bütün qeyd olunanlara nümunə olaraq 23 may 2025-ci il tarixdə rayonun Xırmandalı kəndində keçirilən vətəndaş qəbulundan dərhal sonra Masallı Rayon İcra Hakimiyyətinin başçısı Araz Əhmədov, aparatın Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadiyev, ərazi nümayəndəliyi, bələdiyyə, şəhid ailələri, din xadimləri, media nümayəndələri və vətəndaşların iştirakı ilə ərazidə olan şəhidlərin məzarı ziyarət edilmiş, qəbirüstü abidələri önünə tər qərənfillər düzülərək şəhidlərin ruhunu ehtiramla yad etmişlər.

Ərazidə dəfn olunmuş bütün şəhid məzarları önündə Masallı Rayon İcra Hakimiyyəti başçısının rəhbərliyi, din xadimləri, şəhid ailələri və sakinlərin iştirakı ilə dualar oxunmuşdur.

İsrafil Əlihüseyn oğlu Şükürov,
Leqal.az saytının Baş redaktoru
Azərbaycan Jurnalistlər Birliyinin üzvü
MASALLI