Sahibə Qafarova: “Azərbaycanın öz torpaqlarını işğaldan azad etməsi uzunmüddətli sülh və sabitlik üçün əlverişli şərait yaradıb”

Sahibə Qafarova: “Azərbaycanın öz torpaqlarını işğaldan azad etməsi uzunmüddətli sülh və sabitlik üçün əlverişli şərait yaradıb” Sahibə Qafarova: “Azərbaycanın öz torpaqlarını işğaldan azad etməsi uzunmüddətli sülh və sabitlik üçün əlverişli şərait yaradıb” https://innews.az/az/news/id-48775

“Azərbaycanın öz torpaqlarını 30 illik işğaldan azad etməsi ərazi bütövlüyümüzü və suverenliyimizi bərpa etməklə yanaşı, uzunmüddətli sülh və sabitlik üçün də əlverişli şərait yaradıb”.

Bu fikri Milli Məclisin sədri Sahibə Qafarova bu gün Bakıda keçirilən Qara Dəniz İqtisadi Əməkdaşlıq Təşkilatı Parlament Assambleyasının 65-ci Baş Assambleyasında çıxışı zamanı səsləndirib. Onun sözlərinə görə, bu da öz növbəsində regionumuzda əməkdaşlıq üçün yeni və daha da yaxşı imkanlar yaradır.

Baş Assambleya iştirakçılarının tədbir çərçivəsində Azərbaycanın işğaldan azad edilmiş ərazilərinə səfər edəcəklərini bildirən Milli Məclisin sədri deyib ki, qonaqlar həmin ərazilərdə Azərbaycanın beynəlxalq səviyyədə tanınmış ərazilərinin Ermənistan tərəfindən 30 il davam edən işğalının dağıdıcı nəticələrini ilk baxışdan görə biləcəklər. Eyni zamanda, onlar bu ərazilərdə aparılan genişmiqyaslı yenidənqurma və abadlıq işlərinin də şahidi olacaqlar.