https://innews.az/uploads/news/2025-07/_innews_04eb0ff5691026330b658c684_o.jpg
Ukraynalı məşhur jurnalist, Rusiya-Ukrayna müharibəsində informasiya cəbhəsində fəal mövqe tutan Dmitriy Qordon Azərbaycanın mədəniyyət paytaxtı Şuşaya səfər edib. Qordonun Cıdır düzündə lentə alınan görüntüləri sosial şəbəkələrdə böyük maraqla qarşılanıb.
İzləyici sayı on milyonlarla ölçülən jurnalistin Azərbaycan səfəri, xüsusilə də Cıdır düzündəki çıxışı və davranışı dostlar üçün sevinc, düşmənlər üçün isə ciddi mesaj kimi qiymətləndirilir. O, səfəri zamanı üçrəngli Azərbaycan bayrağına bürünmüş yeniyetmə bir qızı bağrına basaraq, "Sən öz Vətənindən qürur duymalısan" sözlərini səsləndirib. Bu anlar sosial mediada alqışla qarşılanıb.
Qeyd edək ki, bu, Dmitriy Qordonun Azərbaycana ilk səfəridir. Onun ölkəmizə gəlişi Ukrayna ictimaiyyətində də geniş əks-səda doğurub və bu səfər Rusiya imperializmi və “raşizm”ə qarşı simvolik addım kimi qiymətləndirilib.
Jurnalistin Şuşadakı səfəri ilə bağlı görüntülərin linki sosial şəbəkə izləyiciləri üçün rəylərdə paylaşılıb.
Yaşasın Azərbaycan!
Yaşasın Ukrayna!
Ən son xəbərləri səhifəmizdən də izləyin
