https://innews.az/uploads/news/2026-02/_innews_6eaeebd31c02b08ebf1cfad00_o.jpg
ADY kənar müdaxilələrin dəmir yolu infrastrukturuna təsirini minimuma endirmək məqsədilə davamlı maarifləndirmə tədbirləri həyata keçirir və infrastrukturun yenilənməsi istiqamətində işlər aparır. Bununla belə, bu kimi hallar hərəkətin təhlükəsizliyinə mane olan əsas risk faktorlarından biri olaraq qalır.
2025-ci il ərzində diqqətsizlik, tələskənlik və ya mövcud qaydalara laqeyd yanaşma nəticəsində:
- ADY qatarlarının maşinistləri yola qəfil insan çıxması səbəbindən 123 dəfə təcili tormozlama edib;
- 18 halda toqquşma qaçılmaz olub;
- nəzarətsiz buraxılmış heyvanlarla 61 toqquşma hadisəsi qeydə alınıb.
Qeyd olunan hallar insan tələfatı və xəsarətlərlə yanaşı, qatarların gecikməsinə, dövlət əmlakına zərər dəyməsinə və sərnişinlərin ciddi təhlükəsizlik riskləri ilə üzləşməsinə səbəb olur.
ADY vətəndaşları dəmir yollarını keçərkən son dərəcə diqqətli və ehtiyatlı olmağa, yalnız müəyyən edilmiş dəmir yolu keçidlərindən istifadə etməyə və təhlükəsizlik qaydalarına ciddi əməl etməyə çağırır.
