https://innews.az/uploads/news/2026-02/_innews_394b53d12bc72379df8d6538f_o.jpg
İran elan olunacaq müddətə qədər ölkə səmasını uçuşlar üçün bağlayıb.
"innews media" xəbər verir ki, bu barədə İranın Mülki Aviasiya Təşkilatının sözçüsü Məcis Əxəvan yerli mediaya açıqlamasında məlumat verib.
Onun sözlərinə görə, yayımlanan NOTAM bildirişinə əsasən ölkənin hava məkanı ilkin olaraq 6 saat müddətinə bağlanıb.
Qeyd edək ki, ötən saatlarda paytaxt Tehran şəhərində çoxsaylı partlayışlar qeydə alınıb. İran mediasının məlumatına görə, partlayışların raket hücumu nəticəsində baş verdiyi bildirilir.
Hadisə ilə bağlı rəsmi qurumların əlavə açıqlamalarının veriləcəyi gözlənilir.
