https://innews.az/uploads/news/2026-03/_innews_e9eb9dcdee2553aafa3716f2c_o.jpg
Azərbaycan Dəmir Yolları (ADY) qarşıdan gələn Novruz və Ramazan bayramları münasibətilə ölkədaxili marşrutlar üzrə əlavə qatar reysləri təyin edib.
Məlumata görə, sərnişin tələbatının artması nəzərə alınaraq aşağıdakı istiqamətlər üzrə əlavə səfərlər həyata keçiriləcək:
19–30 mart tarixlərində hər gün Bakı–Ağstafa–Bakı marşrutu;
20–30 mart tarixlərində isə hər gün Bakı–Qəbələ–Bakı marşrutu üzrə reyslər təşkil olunacaq.
Bildirilib ki, Bakı–Ağstafa–Bakı qatarlarına biletləri 10 faiz endirimlə dəmiryol kassalarından, ADY-nin rəsmi internet səhifəsindən və ya “ADY Mobile” tətbiqi vasitəsilə əldə etmək mümkündür.
Qeyd edək ki, bayram günlərində Bakı–Qazax–Bakı, Bakı–Balakən–Bakı və Gəncə–Qəbələ–Gəncə marşrutları üzrə qatar reysləri mövcud ənənəvi qrafik əsasında icra olunacaq.
