Sağlam həyatın sirri: Çox məşq yox, düzgün məşq - idmançı Günel Vəliyevadan tövsiyələr

Sağlam həyatın sirri: Çox məşq yox, düzgün məşq - idmançı Günel Vəliyevadan tövsiyələr Sağlam həyatın sirri: Çox məşq yox, düzgün məşq - idmançı Günel Vəliyevadan tövsiyələr https://innews.az/az/news/id-60685

Bu dəfə idman və sağlam həyat tərzi haqqında maraqlı bir söhbətimiz oldu.

Müsahibimiz — Günel Vəliyevadır.

- Ağır atletika üzrə peşəkar idmançı

- Ölkə rekordçusu, idman ustası

- Beynəlxalq yarışların mükafatçısı

Günel xanımla fitnes, məşq prosesində edilən səhvlər, uşaqlarda idmana marağın formalaşması və ümumilikdə sağlam həyat tərzi haqqında danışdıq. Onun təcrübəsi və fikirləri həm idmanla yeni məşğul olanlar, həm də peşəkarlar üçün çox dəyərlidir.

- İnsanlar məşqlərə başlayarkən ən çox hansı səhvlərə yol verirlər?

- Ən çox rast gəlinən səhvlər plansız məşq etmək, həddindən artıq yüklənmək və isinməni buraxmaqdır.

- Sizcə, uşaqları hansı yaşdan etibarən müntəzəm fiziki aktivliyə alışdırmaq lazımdır?

- 3–4 yaşdan etibarən oyun formasında fiziki aktivlik uşaqlar üçün çox faydalıdır.

- Fitnes təkcə bədənə deyil, psixoemosional vəziyyətə necə təsir edir?

- Fitnes stressi azaldır, özünə inamı artırır və psixoloji rahatlıq yaradır.

- Az-az, amma düzgün məşq edərək sağlam qalmaq mümkündürmü?

- Bəli, əsas davamlılıq və düzgün texnikadır, məşqin müddəti yox.

- Məşq zamanı orqanizmin hansı siqnallarını əsla görməməzlikdən gəlmək olmaz?

- Güclü və davamlı ağrı, başgicəllənmə, ürəkbulanma və nəfəs darlığı ciddiyə alınası siqnallardır.

- Sizin fikrinizcə, Su İdmanı Sarayı-nın idman kompleksi kimi unikallığı nədədir?

- Burada müxtəlif yaş və səviyyələr üçün uyğun, peşəkar və təhlükəsiz şərait yaradılıb.

- Kompleksin hansı imkanlarını şagirdləriniz xüsusilə yüksək qiymətləndirirlər?

- Təmiz və geniş məkan, müasir avadanlıq və peşəkar məşqçi heyəti.

- Demək olarmı ki, Su İdmanı Sarayı bütün ailə üçün uyğun məkandır? Niyə?

-Demək olar, çünki uşaqlar, böyüklər və yaşlılar üçün ayrıca proqramlar mövcuddur.

- Burada təqdim olunan hansı fəaliyyət növləri sağlamlıq üçün xüsusilə faydalıdır?

- Fitnes, üzgüçülük, pilates, gimnastika, crossfit və cycle proqramları həm fiziki sağlamlığın möhkəmlənməsinə, həm də ümumi həyat keyfiyyətinin yüksəlməsinə xidmət edir.

Günel Vəliyevaya dəyərli vaxt ayırdığı və təcrübəsini bizimlə bölüşdüyü üçün təşəkkür edirik.

Bu müsahibə bir daha göstərdi ki, idman təkcə fiziki güc deyil, həm də disiplin, düzgün yanaşma və sağlam həyat tərzidir.

Sağlam qalmaq və inkişaf etmək üçün kiçik addımlar belə böyük nəticələrə gətirib çıxara bilər.