https://innews.az/uploads/news/2026-05/_innews_f5b32b137e79e38deac69620b_o.jpg
Mayın 5-də Şəki şəhərinin sakinləri və qonaqları arasında Ümumdünya Şəhərsalma Forumunun On Üçüncü sessiyası (WUF13) barədə məlumatlılığın artırılması məqsədilə WUF13 Festivalı baş tutub.
Şəki Şəhər İcra Hakimiyyətinin başçısı Elxan Usubov və digər rəhbər şəxslər, eləcə də ictimaiyyət nümayəndələri Festivalda iştirak ediblər.
12 500-ə yaxın iştirakçı ilə keçirilən interaktiv proqram çərçivəsində WUF13 və şəhərsalma mövzularında, eləcə də Şəki şəhərinin memarlıq abidələri barədə suallar təqdim olunaraq müsabiqələr təşkil edilib. Düzgün cavab verən iştirakçılara hədiyyələr təqdim edilib.
