https://innews.az/uploads/news/2026-05/_innews_2d3474fec67a29b2e469ca2ca_o.jpg
Azərbaycan Kapital Bazarları Assosiasiyasının (AKBA) üzvük bazası genişlənməyə davam edir. “MFX-Trading İnvestisiya Şirkəti” Açıq Səhmdar Cəmiyyəti AKBA üzvlüyünə qəbul olunmuşdur.
“MFX-Trading İnvestisiya Şirkəti” ASC Azərbaycan Respublikasının müvafiq lisenziyası əsasında fəaliyyət göstərən peşəkar investisiya qurumudur. Şirkətə investisiya şirkəti fəaliyyətinə dair müddətsiz lisenziya 19 oktyabr 2020-ci il tarixində təqdim edilmişdir. Şirkət fərdi və institusional investorlara qiymətli kağızlar və törəmə maliyyə alətləri bazarında geniş xidmət spektri təqdim edir.
Şirkətin missiyası etibarlılıq, dürüstlük və şəffaflıq prinsiplərinə əsaslanaraq investorlara peşəkar və məsuliyyətli xidmət göstərmək, uzunmüddətli etimada əsaslanan tərəfdaşlıqlar qurmaqdır. Vizyonu isə ölkədə və regionda innovativ həlləri və etibarlılığı ilə seçilən aparıcı investisiya şirkətlərindən birinə çevrilməkdir.
Məmnuniyyətlə qeyd edirik ki, dəyərli “MFX-Trading”in də AKBA üzvlüyünə qoşulması ilə ölkədə investisiya şirkəti fəaliyyəti üçün lisenziyaya malik olan bütün şirkətlər artıq Assosiasiyada təmsil olunur. Bu mühüm addım kapital bazarlarında institusional əməkdaşlığın gücləndirilməsi və sektor iştirakçıları arasında vahid platformanın formalaşdırılması baxımından böyük əhəmiyyət daşıyır.
Birlik Bir Sərmayədir!
