https://innews.az/uploads/news/2026-06/_innews_04de402bd9a955d2057f63357_o.jpg
- Mastercard Economics Institute-un hazırladığı “Travel Trends 2026” hesabatı makroiqtisadi şərait, süni intellekt və şəxsi motivasiyanı insanların səyahət və xərcləmə tərzini formalaşdıran üç əsas amil kimi müəyyən edir.
- Hesabat göstərir ki, səyahət həvəskarları səyahətlərə böyük diqqət ayrırmağa davam etsələr də, istiqamətləri, vaxtı, büdcəni və prioritetləri dəyişən qlobal mühitə uyğunlaşdırmağa çalışırlar.
- Süni intellekt əsaslı alətlər səyahətçilərin səfər turlarını tapma, müqayisə etmə və özlərinə uyğunlaşdırma tərzinə təsir göstərməyə başlayır, onlara ümumi istiqamət seçimlərindən kənara çıxmağa kömək edir.
Mastercard Economics Institute “The new travel equation: Macro, machines, motivation” adlı ən son illik səyahət hesabatını dərc edib. Bu hesabat səyahət həvəskarlarının yeni kəşflər etmək istəyini əsas götürdüklərini, bununla belə, dünyadakı daha mürəkkəb şəraitə də uyğunlaşmağa çalışdıqlarını ortaya çıxarıb.
Hesabat göstərir ki, 2026-cı ildə səyahətlər yeni tənlik əsasında formalaşır. Belə ki, makroiqtisadi və geosiyasi şərtlər marşrutlara, xərclərə və əlçatanlığa təsir edir. Süni intellekt əsaslı alətlər insanların səyahət turlarını tapma və planlaşdırma tərzini dəyişir. Şəxsi motivasiya isə səyahət həvəskarlarının təyinat nöqtəsinə çatdıqdan sonra nə ilə məşğul olmasını və pulu nəyə xərcləməsini getdikcə daha çox müəyyənləşdirir.
Mastercard Economics Institute-unun məlumatına görə, səyahət iqtisadiyyatı uyğunlaşma qabiliyyəti ilə səciyyələnir. Səyahətçilər səfərlərdən imtina etmir, lakin daha seçici və çevik olurlar. Qlobal qeyri-müəyyənliyə, valyuta məzənnəsi dəyişikliklərinə, enerjidaşıyıcıların qiymətlərinə və dəyişən rabitə imkanlarına cavab olaraq, istehlakçılar və şirkətlər istiqamətləri, vaxtı, büdcəni və prioritetləri yenidən nəzərdən keçirirlər.
Eyni zamanda, qiymət-keyfiyyət nisbəti səyahət barədə qərarların qəbul edilməsi zamanı daha mühüm rol oynamağa başlayır. Səyahətçilər səfəri bütövlükdə - səfər xərclərindən tutmuş ünvana çatdıqdan sonra yaşanan təcrübəyə qədər - hər şeyi qiymətləndirirlər. Bu, turizm istiqamətlərinin rəqabət xarakterini də dəyişir. Hazırda bu rəqabət təkcə əlçatanlıq və cəlbedici qiymət əsasında deyil, həm də səyahət həvəskarlarının müxtəlif gözləntilərini qarşılamaq bacarığı əsasında aparılır.
Süni intellekt bu dəyişikliyə daha bir nüans əlavə edir. Hesabatda qeyd olunur ki, süni intellekt əsaslı alətlər istehlakçıların səfərləri necə tapdığına, planlaşdırdığına və prioritetləri necə müəyyən etdiyinə təsir göstərməyə başlayır. Yalnız tanış və ya ümumi turistik istiqamətlərə güvənmək əvəzinə, süni intellekt alətlərindən istifadə edən səyahətçilər mədəniyyət və tarixdən tutmuş qastronomiya, sağlamlıq, tədbirlər və yerli görməli yerlərlə tanışlıq kimi daha çox öz maraqlarına cavab verən yerlər və təəssüratlar müəyyən edə bilirlər.
Bu dəyişiklik turistik istiqamətlərin “storytelling” rolunu dəyişdirir. Süni intellekt əsaslı səyahət mühitində nə təklif etdiklərini aydın şəkildə çatdıra bilən yerlər səyahət həvəskarları üçün kəşf edilməsi daha asan ola bilər. Turistik istiqamət artıq sadəcə xəritədə bir nöqtə deyil; o, axtarılan, müqayisə edilə bilən və hər kəs üçün şəxsi əhəmiyyətə malik olan təcrübələr toplusuna çevrilir.
Azərbaycan kimi bazarlar üçün bu, səyahətin gələcəyini təhlil etmək üçün maraqlı perspektiv yaradır. Ölkənin turizm tarixi tək bir təcrübə ətrafında qurulmayıb. O, Bakının şəhər enerjisini, yerli qastronomiyanı, mədəni irsi, təbiəti, regional marşrutları və inkişaf edən rəqəmsal ziyarətçi təcrübəsini bir araya gətirir. Mastercardın hesabatı kontekstində bu cür çoxqatlı turizm istiqaməti profili daha geniş tendensiyanı əks etdirir: səyahətçilər getdikcə daha çox təkcə məkanla deyil, şəxsi motivasiya ilə bağlı olan səyahətləri seçirlər.
Hesabat həmçinin səyahət həvəskarlarının nəyə pul xərcləməsini onların gəldiyi yerdən və nəyə dəyər vermələrindən asılı olaraq fərqləndirir. Ziyarətçilər təyinat nöqtəsinə gəldikdən sonra xərclərlə bağlı verdikləri qərarlar - istər alış-veriş olsun, istər yemək, mədəniyyət, tədbirlər, gecə həyatı, yaşayış yeri, istərsə də yerli ənənələrlə tanışlıq - çox vaxt səfərin əsl məqsədini ortaya qoyur. Bu, təkcə ziyarətçi sayını deyil, həm də onların davranışını anlamağın vacibliyini bir daha təsdiq edir.
Səyahətlər daha fərdi, rəqəmsal və qiymət-keyfiyyət nisbəti yönümlü hala gəldikcə, rahat və təhlükəsiz ödənişlər səyahətin mühüm hissəsi olaraq qalır. Rezervasiya və nəqliyyatdan tutmuş qidalanma, alış-veriş və təyinat yerində gündəlik xərclərə qədər rəqəmsal ödəniş həlləri səyahətin müxtəlif anlarını vahid və daha rahat təcrübədə birləşdirməyə kömək edir.
Mastercard ödəniş şəbəkəsi, data əsaslı analitikası və əməliyyatları istehlakçılar, biznes müəssisələri və tərəfdaşlar üçün daha təhlükəsiz, sadə və rahat etməyə imkan verən texnologiyaları vasitəsilə qlobal səyahət və ticarət ekosistemini dəstəkləməyə davam edir.
Mastercard haqqında
Mastercard dünya üzrə 200-dən çox ölkə və ərazidə iqtisadiyyatları və insanları dəstəkləyir. Müştərilərimizlə birgə hər kəsin inkişaf edə biləcəyi dayanıqlı iqtisadiyyat qururuq. Biz geniş çeşiddə rəqəmsal ödəniş seçimlərini dəstəkləyir, əməliyyatları təhlükəsiz, sadə, ağıllı və əlçatan edirik. Texnologiyamız və yeniliklərimiz, tərəfdaşlıqlarımız və şəbəkələrimiz birləşərək insanlara, müəssisələrə və hökumətlərə ən böyük potensiallarını reallaşdırmağa kömək edən unikal məhsul və xidmətlər dəsti təqdim edir.
www.mastercard.com
Ən son xəbərləri səhifəmizdən də izləyin
