https://innews.az/uploads/news/2026-07/_innews_7f7f56c03cf65f079103f9f8f_o.jpg
- Banklar, mobil pul operatorları və fintech şirkətləri virtual kartlara əsaslanan mobil həllər vasitəsilə elektron ticarətə, beynəlxalq pul köçürmələrinə və rəqəmsal ödənişlərə çıxışı genişləndirirlər.
- Yeni proqram təminatı inkişaf paketi (SDK) emitentlərə Visa Pay həllini birbaşa mövcud mobil tətbiqlərə inteqrə etməyə, virtual kartları və ödəniş xidmətlərini daha sürətli və təhlükəsiz şəkildə istifadəyə verməyə imkan yaradır.
Visa banklara, mobil pul operatorlarına və fintech şirkətlərinə Visa Pay həllini mövcud mobil tətbiqlərə birbaşa inteqrasiya etməyə imkan verən yeni proqram təminatı inkişaf paketini (SDK) təqdim etməklə Mərkəzi Asiya və Afrikada yeni emitentlər üçün Visa Pay platformasına çıxışı genişləndirir.
Visa Pay həm bank hesabına malik istifadəçilərə, həm də ənənəvi bank xidmətlərindən istifadə etməyən insanlara banklar, fintech şirkətləri və mobil şəbəkələr arasında təhlükəsiz şəkildə ödəniş etmək, vəsait qəbul etmək və pul köçürmək imkanı yaradan rəqəmsal ödəniş həllidir. Emitentlər üçün nəzərdə tutulmuş SDK ödənişlərin emalı alətləri, daxili istifadəçi interfeysi, tokenləşdirmə imkanları, eləcə də sertifikatlaşdırılmış təhlükəsizlik və uyğunluq komponentlərini özündə birləşdirir. Bu da, xüsusilə rəqəmsal transformasiyanın infrastruktur məhdudiyyətləri səbəbindən daha yavaş inkişaf etdiyi bazarlarda Visa Pay həllinin tətbiqini sürətləndirir və sadələşdirir.
Müxtəlif bazarlarda fərqli ödəniş ssenarilərinə dəstək
Hazırda Visa Pay SDK Mərkəzi Asiya və Afrikanın bir sıra ölkələrində emitentlər tərəfindən tətbiq edilir. Həll banklar, mobil pul operatorları, fintech şirkətləri və lisenziyalı ödəniş xidməti təminatçıları tərəfindən istifadə olunur.
Visa Pay elektron ticarət, beynəlxalq pul köçürmələri, mobil pul kisələrinə bağlı virtual kartlar, virtual kart emissiyası, humanitar yardım ödənişləri və ödənişlərin emalı kimi geniş ödəniş ssenarilərini dəstəkləyir.
Gələcəkdə Visa Pay yeni funksiyalarla daha da təkmilləşdiriləcək və gündəlik ödənişləri daha rahat edəcək. Yaxın perspektivdə təqdim olunacaq yeniliklərdən biri də istifadəçilərə smartfonlarını təmassız ödəniş terminalına yaxınlaşdırmaqla təhlükəsiz ödəniş etməyə imkan verən Tap to Pay funksiyası olacaq
"Visa Pay emitentlərə təhlükəsiz elektron ticarət və beynəlxalq pul köçürmələrindən mobil pul kisələrinə inteqrasiya olunmuş virtual kartlara, humanitar yardım ödənişlərinə, P2P köçürmələrinə və gələcək təmassız ödəniş ssenarilərinə qədər geniş bazar ehtiyaclarını qarşılamağa kömək etmək üçün hazırlanıb", — deyə Visa-nın Mərkəzi və Şərqi Avropa, Yaxın Şərq və Afrika (CEMEA) regionunda Məhsul və Həllər üzrə Baş vitse-prezidenti Qodfri Sallivan bildirib. "Visa Pay SDK bu imkanları mövcud mobil tətbiqlərə birbaşa inteqrasiya etməklə banklara, mobil pul operatorlarına və fintech şirkətlərinə istehlakçılara təhlükəsiz rəqəmsal ödəniş xidmətlərini daha qısa müddətdə təqdim etməyə kömək edir. Bu isə həm daxili, həm də transsərhəd ödənişlərin inkişafı üçün yeni imkanlar yaradır", — deyə o əlavə edib.
Visa haqqında
Visa (NYSE: V) rəqəmsal ödənişlər sahəsində dünya lideridir. Visa dünyanın 200-dən çox ölkəsi və regionunda istehlakçılar, biznes, maliyyə və hökumət müəssisələri arasında ödəniş əməliyyatlarını emal edir. Bizim missiyamız innovativ, rahat, etibarlı və təhlükəsiz ödəniş şəbəkəsi vasitəsilə dünyanı birləşdirməklə istehlakçıların rifahına xidmət etmək, biznes və iqtisadiyyat üçün davamlı inkişaf imkanlarını təmin etməkdir. Biz əminik ki, iqtisadi əlçatanlığın hamı üçün genişləndirilməsi bütün dünyada insanların güzəranını yaxşılaşdırır və pulların gələcək qlobal hərəkətinin əsası təşkil edəcək. Daha ətraflı məlumat üçün: Visa.com.
Ən son xəbərləri səhifəmizdən də izləyin
