Dəmiryol Muzeyində Azərbaycan dəmir yollarının elektrikləşdirilməsinin 100 illiyi münasibətilə "Açıq qapı" günü və sərgi keçirilib

Azərbaycan Dəmir Yolu Muzeyində ölkə dəmir yollarının elektrikləşdirilməsinin və tarixi "Sabunçu Vağzalı" binasının 100 illiyi münasibətilə "Açıq qapı" günü və xüsusi fotosərgi təşkil edilib.

"innews media" xəbər verir ki, tədbir böyük ziyarətçi marağı ilə qarşılanıb. Gün ərzində uşaqdan böyüyə yüzlərlə ziyarətçi muzeyi ziyarət edərək Azərbaycan dəmir yollarının elektrikləşdirilmə tarixini və "Sabunçu Vağzalı"nın zəngin irsini əks etdirən fotosərgi ilə tanış olub.

Tədbir çərçivəsində muzeyin eksponatları nümayiş etdirilib, qonaqlara Azərbaycan dəmir yolunun bir əsrlik inkişaf yolunu əks etdirən tarixi materiallar təqdim olunub.

Qeyd edək ki, tədbirin sonunda ziyarətçilərə bu əlamətdar günü xatırladacaq xatirə hədiyyələri təqdim edilib.