Lekler Britaniya Qran-prisinin qalibi oldu - Formula 1

Formula 1 üzrə 2026-cı il dünya çempionatının 9-cu mərhələsi olan Britaniya Qran-prisi başa çatıb.

"Silverstoun" trasında baş tutan mərhələnin qalibi adını "Ferrari"nin monakolu pilotu Şarl Lekler qazanıb.

Podiumun ikinci və üçüncü pilləsində ingilis pilotlar yer alıb. "Mercedes"dən Corc Rassel ikinci, "Ferrari"dən isə Lüis Hemilton üçüncü olublar.

Sıralamanın lideri Andrea Kimi Antonelli ("Mercedes") yarışı 16-cı yerdə başa vurub. Bununla da, italyan pilot mövsüm ərzində ikinci dəfə xalsız qalıb. Lakin aktivində 179 xal olan Antonelli liderliyini qoruyur. Siyahıda onu Rassel (154) və Hemilton (147) izləyir.

Bu, Leklerin 2024-cü ilin oktyabrında Ostində keçirilən ABŞ Qran-prisindən bəri ilk qələbəsi olub. Monako pilotunun qələbəsiz seriyası 37 yarış davam edib.

Çempionatın onuncu mərhələsi 17-19 iyulda Belçikada keçiriləcək.