https://innews.az/uploads/news/2026-08/_innews_927a901b4d2a55b5b844d0f4e_o.jpg
"innews media" xəbər verir ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi, “İRƏLİ” İctimai Birliyinin təşkilatçılığı ilə “Saxta məlumatlara qarşı rəqəmsal bacarıqların inkişafı” layihəsi başa çatıb.
3 aylıq dövrü əhatə edən layihə çərçivəsində birbaşa 130 gənc, ümumilikdə isə 300 dən çox gənc əhatə olunub. Bildirilib ki, layihə icra dövrünü başa vursa da davamlılıq tədbirləri davam edəcək və əhatə olunan gənc sayıl il sonuna kimi 1000 gənci keçəcək. Təlimlər proqramı peşəkar təlimçi və ekspertlər tərəfindən əsasən “Gənclərlə işdə rəqəmsal savadlılıq”, “Süni intellekt əsaslı kiber mühitdə tətbiqlər və təhlükəsizlik”, “Təlimçilər üçün yumşaq bacarıqlar”, “Təlimçilik bacarıqlarının inkişafı”, “Təqdimat bacarıqları”, “Ai əsaslı İnformasiya savadlılığı”, “Deepfake, ai generasiya edilmiş məzmun və görüntü manipulasiyası”, “İnformasiya xaosunda doğru məlumatı necə tanıyaq?”, “Dezinformasiya və misinformasiyadan necə qorunaq?” və “Ünsiyyət və kommunikasiya bacarıqları” mövzularında təşkil olunmuş və Gənclər Evləri əməkdaşları və digər gənclərlə iş sahəsində çalışan 25 şəxsin mövzu üzrə təlimçi kifmi formalşmasına xidmət etmişdir.
Eyni zamanda layihə çərçivəsində Azərbaycan Kibertəhlükəsizlik Mərkəzinə infotur təşkil olunub. Görüş zamanı kibertəhlükəsizliklə bağlı müxtəlif mövzularda praktiki məlumatlar əldə edib, güclü parol yaratmaq, fişinq hücumlarını tanımaq və onlardan qorunmaq yollarını öyrəniblər. İştirakçılar həmçinin Mərkəzdə tətbiq olunan tədris metodları və təlim prosesi haqqında ətraflı məlumat alıblar.
Layihənin davamlılıq tədbirləri çərçivəsində Saatlı Gənclər Evində, Sabunçu Gənclər Evində, Bakı Gənclər Mərkəzində və Pirallah Gənclər evində gənclərin məlumatlılığını artırmaq məqsədilə görüşlər keçirilmişdir.
Layihənin əsas məqsədi gəncləri rəqəmsal dünyada etik və təhlükəsiz istifadəyə istiqamətləndirmək, rəqəmsal savadlılıq, saxta xəbərlər (fake news), kiber təhlükəsizlik və şəxsi məlumatların mühafizəsi, süni zəka: təhdidlər və imkanlar mövzuları üzrə bacarıqlarını inkişaf etdirmək olmuşdur.
Qeyd edək ki, layihə Gənclər və İdman Nazirliyi- Gənclər Evləri, İnnovasiya və Rəqəmsal İnkişaf Agentliyi və Dördüncü Sənaye İnqilabının Təhlili və Koordinasiya Mərkəzi tərəfdaşlığı ilə həyata keçirilib.
Ən son xəbərləri səhifəmizdən də izləyin
