https://innews.az/uploads/news/2026-08/_innews_7b113f457575d7aa41b80b700_o.jpg
Böyük Britaniyanın Azərbaycana yeni təyin olunmuş fövqəladə və səlahiyyətli səfiri Dankan Norman Prezident İlham Əliyevə etimadnaməsini təqdim edib.
"innews media" xəbər verir ki, səfir bununla bağlı “X” hesabında paylaşım edib.
Dankan Norman etimadnaməsini Azərbaycan Prezidentinə təqdim etməsinin onun üçün böyük şərəf olduğunu bildirib.
Diplomat Böyük Britaniya ilə Azərbaycan arasında münasibətlərin inkişaf etdirilməsinin əsas prioritetlərindən biri olduğunu qeyd edib.
“Böyük Britaniya və Azərbaycan arasında strateji tərəfdaşlığı, iqtisadi əlaqələri və təhlükəsizlik sahəsində əməkdaşlığı gücləndirməyi səbirsizliklə gözləyirəm”, - deyə səfir yazıb.
Qeyd edək ki, Prezident İlham Əliyev bu gün Böyük Britaniyanın Azərbaycana yeni təyin olunmuş səfirinin etimadnaməsini qəbul edib.
Ən son xəbərləri səhifəmizdən də izləyin
